Марий Элым вуйлатыше республикыште илыше еҥ-влакын СВО-што участвоватлымышт дене кылдалтше йодыш-влак шотышто координационный советын заседанийжым эртарен.
Заседаний тӱҥалтыште тудо специальный военный операцийын участникше-влаклан полшен шогымылан активист-влаклан наградым кучыктен.
Вашлиймашым почмыж годым Юрий Зайцев военнослужащий-влаклан да нунын лишыл еҥыштлан полшен шогымаш республикын правительствыжын ик эн кӱлешан пашажлан шотлалтеш манын палемден. Тудын мутшо почеш, тыгай полышым пуэн шогымо шумлык тӱшкан шуктымо пашам ваш келыштарышашлан чумырымо Координационный совет ты пашам виктарен колтымо радамым чотак куштылемден.
СВО-н участникше-влаклан да нунын ешыштлан полышым пуымо региональный мере нерген правительстве председательын алмаштышыже — тўвыра, савыктыш да калык паша министр Константин Иванов каласкален. Марий Элыште 50 наре тӱрлӧ социальный полыш пуалтеш.
Специальный военный операцийын участникше-влаклан полшен шогымо кугыжаныш фондын «Защитники Отечества» региональный филиалжым вуйлатыше Ренат Магсумов тыге увертарен: фондын пашам ышташ тӱҥалмыж годсек тушко 5 тӱжем утла еҥ полышым йодын миен, тидын годым 17 тӱжем утла йодышым тӧрлымӧ.
СВО-н участникше-влаклан да нунын ешыштлан полшен шогымо нерген тыгак Шочмо элын воинже-влакын ешыштын комитетыштын региональный штабшым вуйлатыше Ирина Багаева, «Марий Эл верч» благотворительный фондын директоржо Роман Золотухин, «За Россию» калык фронт» общероссийский мер толкынын Марий Эл Республикысе региональный пєлкажын региональный исполнительный комитетшым вуйлатыше Валентин Севастьянов, Марий Эл Республикын Кугыжаныш Погыныштыжо «Единый Россий» партийын, ЛДПР партийын фракцийыштым вуйлатыше-влак Лариса Яковлева ден Алексей Шерстобитов, КПРФ политический партийын Марий республиканский пєлкажын секретарьже Владислав Жезлов каласкаленыт.
Пытартышлан Юрий Зайцев пырля пайдалын пашам ыштымылан чылаштлан тауштен, СВО-н участникше-влаклан да нунын ешыштлан полышым пуэн шогымо паша умбакыже шуйна манын палемден.
Марий Эл вуйлатышын пресс-службыжын уверже негызеш Павел Шакиров ямдылен
