Тӱрлӧ чер ваштареш кучедалаш да таза илыш-йӱлам кучаш кумылаҥдыме мероприятий-влак кышкарыште 15-21 май Вӱргорно давлений кугемме деч профилактикым эртарыме арня семын палемдалтеш.
Тазалыкым аралыме тӱнямбал организацийын увертарымыж почеш, вӱргорно давленийым эскерыме дене шӱм-вӱргорно системын тӱрлӧ черже да нунын инфаркт, инсульт, ретинопатий але илыш гыч кенета кайыме гай зиянышт деч аралалташ лиеш.
Вӱргорно гипертоний деч профилактике тӱҥ шотышто черлан вияҥаш амалым ыштыше шуко тӱрлӧ факторым (тамакым шупшмо уда койышым, уто нелытым да тулеч молым) кораҥдымашке виктаралтын. Тылеч посна тудо таза илыш-йӱлам кучаш шонышо кажне еҥлан кӱлешан да пайдале, вет ийготым погымо семын, а тидыже эше ик фактор, тыгай ситыдымаш кажне айдемын организмыштыже вияҥеш.
Гипертоний деч аралалтме эн сай йӧн-влак:
- рациональный кочкыш, диете (шагал углеводан, холестеринан да шинчалан, калийлан поян);
- лӱдыкшым ыштен кертше тӱрлӧ амалым: уто нелытым, кояҥмашым, никотин ден алкогольлан шӱмаҥмашым – кораҥдымаш;
- гиподинамий деч шекланымаш (шкем утыждене неле физический нагрузко деч аралымаш);
- малыме да чолга улмо жапым шуктымаш (8 шагат малыман, кече радамымат кӱлын шуктыман).
Профилактике шотан чыла мероприятийым шуктымекат, идалыкыште ик гана медицине велым тергалташ да вӱргорно давленийын мониторингшым ышташ кӱлеш – тыге веле гипертонийын вияҥаш тӱҥалмыжым жапыштыже рашемдаш да эмлаш лиеш.
М.ИВАНОВА ямдылен
