«Профессионал-влак» чемпионатын финалыштыже Марий Элын чапшым Марий радиомеханический техникумын студентше арала.
Калуга олаште эртыше профессионал мастарлык таҥасымаште Данил Атлашкин «Оптоэлектронике» компетенций дене моштымашыжым ончыкта. Тудын эксперт-наставникше – Ольга Костромитинова.
Тиде компетенций конкурсант деч кугу тӱткышым йодеш, кажне секундышто да кажне миллиметрыште чын ыштыман.
Тиде жапыште республик гыч делегаций чемпионатыште эртыше «Окно возможностей: бизнес и СПО» форумыш ушнен.
Г.Кожевникова
Фотом Марий Эл Образований да науко министерствын соцкылысе лаштыкше гыч налме.
