25 март марте этномузыкант-влакын «Звук Евразии» проектышкышт ушнаш шонышо-влак деч йодмашым налыт.
Участник-влакым конкурс гоч ойырат. Йодмашым 18 гыч 50 ияш марте посна еҥ, 5 еҥ марте музыкальный группо-влак пуэн кертыт. Руш да Российыште илыше да моло калык семым кучылтман шке возымо мурым але кавер-версийым темлаш лиеш. Финалыш лекше-влак конкурсышто участвоватлымылан, тунеммылан, илымылан оксам огыт тӱлӧ.
Проектын участникше лияш шонышо-влак анкете ден йодмашым zvuk@nazaccent.ru. адрес дене колтышаш улыт. Анкетыштыже шке йоҥгалтарыме видеоролик/аудиокомпозицийым вераҥдыме «Яндекс.Диск», Boom, «Яндекс.Музыка», «Рутюб» платформылашке ссылкым ончыктышаш улыт. Финалист-влакын лӱмышт 25 апрельыште рашемшаш.
С.Носова
