Йошкар-Олаште «Папа, мама, я – спортивная семья» всероссийский конкурсын регионысо этапше эртен.
Тушко ты гана улыжат кум район гыч: Медведево, Оршанке да Советский кундемла гыч – еш-влак ушненыт. Нуно ГТО нормативым сдатленыт.
Мутлан, Советский район гыч Милютинмыт еш тыгай таҥасымаште икымше гана веле огыл вийжым терга. Нуно ӱмаште республикыште сеҥышыш лектыныт да Марий Элын чапшым Калининградыште эртыше всероссийский фестивальыште араленыт. Тунам пӱтынь эл гыч 47 команде кокла гыч Милютинмыт 25-ше верыш лектыныт. Теният тиде ешак фестивальыште икымше верым сеҥен налын да ынде Санкт-Петербургышто таҥасаш тӱҥалеш.
Йошкар-Олаште таҥасымашыш ушнышо вес команде – Медведево район гыч Зуевмыт еш. Тудо кокымшо верыш лектын.
Оршанке район гыч Ореховмыт еш кумшо вер дене палемдалтын.
Л.Камалетдинова
