21 июльышто «Еш зарнице» всероссийский модмашын ойырымо этапше мучашлалтын.
22 июльышто заочный этап тӱҥалын. Тушко 79 еш ушнен. Проект еш йӱлам пеҥгыдемдымашке, патриотизм шӱлышым воспитатлымашке виктаралтын. Модмашын организаторжо Икымше-влакын толкынышт, «Защитники Отечества» кугыжаныш фонд, «Юнармий» толкын, «Воин» рӱдер улыт.
Заочный этап модмашын онлайн платформыштыжо эрта. Тушто еш-влак кок таҥасымашым эртат. Творческийыште видеовизиткым ямдылыман, уш-акыл таҥасымаште Россий кугыжаныныш негызше ден элнан военный историйже дене кылдалтше тестированийым эртыман. Финалыш Российын кажне федеральный округшо гыч еш лектеш, чылаже 24 команде лиеш.
