«Православный инициативе-2024» тӱнямбал грант конкурслан старт пуалтын.
Тушко Руш православный черкын епархийже, приходшо, НКО, кугыжаныш ден муниципал учреждений, образований, культур, тазалыкым аралыме, социальный аралымаш кугыжаныш огыл, тыгак коммерческий огыл организаций, предприниматель, СМИ-влак ушнен кертыт. Йодмашым www.pravkonkurs.ru сайтыште электрон йӧн дене пуыман. Йодмашлан порядковый номерым пуат гын, тугеже тудым шотыш налыныт.
Тений проектлан окса полышым налын кертшашлан утларак проритетный темылан еш, СВО участник-влакын ешыштлан тӱрлӧ полыш, самырык-влакын экологий шотышто шинчымашышт дене кылдалтше йодыш-влак шотлалтыт. Йодмашым 10 март марте пуаш лиеш.
С.Носова
