24-27 мартыште Марий Элыште «Идалыкын воспитательже-2026» Россий кӱкшытан профессионал мастарлык конкурсын регионысо йыжыҥже эрта.
Тушто республикысе дошкольный образований системыште тыршыше 17 педагог моштымашым ончыкта.
Конкурсын очный йыжыҥыштыже участник-влак кум турым эртат. Тушто 4 заданий уло: «Мастер-класс», «Йоча-влак дене педагогический мероприятий», Ача-ава-шамыч дене просветитель мероприятий» да «Йыргешке ӱстел».
Финалыш лектыныт:
– Лариса Беляева (Оршанке посёлкысо «Родничок» йочасад);
– Кристина Бурменская (Йошкар-Оласе 35-ше №-ан «Подснежник» йочасад);
– Валентина Ешеева (Шернур посёлкысо «Сказка» йочасад);
– Алеся Иванова (Советский посёлкысо 6-шо №-ан «Родничок» йочасад);
– Карнопова Анастасия (Йошкар-Оласе 18-ше №-ан «Изюминка» Йочасад);
– Юлия Порфирьева (Морко посёлкысо 3-шо №-ан «Светлячок» йочасад);
– Татьяна Румянцева (Волжск оласе 28-ше №-ан Хрусталик» йочасад);
– Диана Семёнова (Медведево посёлкысо 6-шо №-ан «Колокольчик» йочасад);
– Диана Фёдорова (Параньга посёлкысо 5-ше №-ан «Ласточка» йочасад).
Пытартыш тергымаш – «йыргешке» ӱстел. Тушто финалист-влак кызытсе илышлан келшыше йодышлам каҥашат.
Конкурсын регионысо йыжыҥже 27 мартыште М.Шкетан лӱмеш Марий национальный драме театрыште Марий Элыште Дошкольный образований идалыкым палемдыме кышкарыште торжественно мучашлалтеш.
Г.Кожевникова
Фотом Марий Эл Образований да науко министерствын соцкылысе лаштыкше гыч налме
