Республикым вуйлатыше Юрий Зайцев «Марий Элысе Студент шошо-2025» усталык фестивальын гала-концертыштыже эн чапле номерым ончыктышо участник-влаклан 50000 теҥгелан сертификатым кучыктен.
Эн сай номер семын ты гана Марий кугыжаныш университетын студентше-влакын «Марий калыкын пашам ыштымыжым ончыктышо кугезе куштымашышт» палемдалтын.
«Студент шошо» фестиваль – сеҥымаш да икте-весе дене таҥасымаш веле огыл, эн ончычак тиде мондаш лийдыме шижмаш. Тыгай мероприятий самырык тукымлан моштымашым ончыкташ, ала-кӧланже шке призванийым муаш йӧн», – каласен Юрий Зайцев.
Финалыште мастарлыкым ончыктымым шотыш налын, республикын Молодёжь политике комитетше «Российысе студент шошо» Россий кӱкшытан XXXIII фестивальыш каяш 40 еҥан делегацийым чумыра. Тудыжо тений Озаҥ олаште эртаралтеш.
Марий Эл вуйлатышын пресс-службыж негызеш Галина Кожевникова ямдылен
Денис Речкинын фотожо
