Республикыште кыдалаш профессионал образованийым пуышо организацийлаште тыршыше-влаклан «Идалыкын мастерже» Россий кӱкшытан конкурсын регионысо этапше лийын.
Ушештарена, тудо элыштына 2021 ий гыч эртаралтеш. Ӱмаште тиде конкурсын регионысо этапыштыже Йошкар-Оласе сервис технологий-влак техникумын мастерже Лала Домрачева сеҥен да Россий кӱкшытыштӧ призёр радамыш лектын.
Ты гана «Идалыкын мастерже» лӱм дене Марий радиомеханический техникумышто «Машиностроений технологий» специальность дене профессионал дисциплине-влакым туныктышо Дмитрий Андреев палемдалтын. Умбакыже республикын чапшым Тула областьыште эртышаш финалыште лач тудо аралаш тӱҥалеш.
Призёр радамыш лектыныт: Анастасия Рябова (Йошкар-Оласе строительный колледж), Анжелла Падерова (Йошкар-Оласе сервис технологий-влак техникум).
Сеҥышылан Марий Эл правительствын грантшылан –100 тӱжем теҥгелан – сертификатым регионын образований да науко министрын алмаштышыже Андрей Сушенцов кучыктен (снимкыште).
Г.Кожевникова
Фотом Марий Эл Образований да науко министерстве гыч налме
