«Единый Россий» партийын генеральный советшын тений 28 июньышто лукмо пунчалже почеш «Лучший дом. Лучший двор» кокымшо всероссийский конкурс увертаралтын.
Конкурс шуко пачеран пӧртын (МКД) тӱшка погыжым кучылтмо годым собственник-влакын чолгалыкыштым да ответсвенностьыштым нӧлталаш, ЖКХ сферыште шке праваштым аралыме йодышла дене граждан-влакым палдараш, тыгак МКД-ым виктарымаште кызытсе жаплан келшыше практикым да технологийым, нунын коклаште ресурсым аныклымашым кучылтмо шонымаш дене эртаралтеш.
Конкурс пашам сайын ыштыме практикым пален налаш да тудым калык коклашке шараш, чолга собственник-влакым да пашам сайын ыштыше виктарыше компаний-влакым кумылаҥдаш полша.
Граждан да юридический лица-влак деч 4 номинаций дене йодмашым налыт:
1.Эн сай кудывече (кудывечым тӱзатымаш да тыште илыше-влакын ты пашашке ушнымышт шотыш налалтеш);
- Эн икоян пӧрт (лекше проблемым еҥ-влакын чолгалыкыштлан да ик еш семын ушнен моштымыштлан кӧра кораҥдымым почын пуышо историй ончалтеш);
- Эн сай подъезд (илыме подъездым тӱзатыме пашан кечествыже да тушто илыше-влакын могай надырым пыштымышт аклалтыт);
- Энергийым эн чот аныклен кучылтшо пӧрт (ЖКУ-лан тӱлымӧ акым шулдештараш виктаралтше мероприятий-влак шотыш налалтыт).
Чыла йодмашым moydom.er.ru.сайтыш колтыман.
Конкурсын йодмашышлан келшен толмыжым ончылгоч рашемдымек, йодмашым «калык эксперт»-влаклан аклашышт сайтышке луктыт. Федеральный жюри сеҥыше-влакым «калык йӱклымаште» эн кугу рейтингым погышо йодмаш-влак кокла гыч ойыра.
Йодмашым 10 октябрь марте налыт. Калык йӱклымаш 30 ноябрь марте шуйна. Конкурс декабрьыште иктешлалтеш.
Лекше йодыш-влакым domdvor@edinros.ru адрес дене рашемдыман.
Л.СЕМЕНОВА
