Марий Эл вуйлатыше Юрий Зайцев Марий Эл Республикыште правопорядкым эскерыме шотышто эре пашам ыштыше координационый совещанийын заседанийжым эртарен.
Чылаже ныл йодыш ончалтын. Тӱҥ темыже – Кугу Отечественный сарыште Сеҥымашлан 80 ий теммым пайремлымым кучем ден правам аралыше орган-влакын лӱдыкшыдымым ышташ ямде улмышт.
Пайрем мероприятийла эртаралтме верлаште мер лӱлыкшыдымылыкым ыштымын кӱлешан улмыжым палемдышыжла Юрий Зайцев ушештарен: «Еҥ-влакын шуко лийман верлаште правам аралыше органла дене пырля пашам ыштымашке частный оролышо предприятийлан, добровольный калык дружине-влакын, коммерческий огыл организаций-шамычын вийыштым ушымым ончылгоч шотыш налман».
Марий Элын элкӧргӧ паша министрже Андрей Вырвич Сеҥымашым пайремлымаште нимогай уто-сите ынже лий манын ешартыш мере нерген докладым ыштен. Тыгак тудо регионыштына правопорядкын могай состоянийыште улмыж нерген увертарен. Ӱмаште пуштедымаш, шолыштмо да толымо шагалемын, но тунамак телефон дене ондалкалымаш иктат пелылан ешаралтын. Республик вуйлатыше тидын шотышто еҥ-влаклан умылтарыме пашам утларак ворандараш кӱлмым палемден.
Заседанийыште тыгак рецидив осал пашам чактарыме йодышат нӧлталтын. Республикын правительствыже правам аралыше структур-шамыч дене пырля осал паша шукеммым чарен шогалтымашке виктаралтше сомылым чарныде шуктен шога. Юрий Зайцевын шонымыж почеш тиде паша эше исправительный учрежденийлаштак ышталташ тӱҥалшаш. Колонийлаште шинчыше-влак дене умылтарымаш пашам на‰гайыме опыт республикыште уже уло. Нунылан могай социальный полыш пуалтме, родо-тукымышт дене кылым ончылгоч ыштыме, илыме, паша верым пуымо нерген умылтареныт.
Йоча-влакын лӱдыкшыдымышт йодышлан посна тӱткышым ойыреныт. Пытартыш жапыште интернетыште чӱчкыдынак ийготыш шудымо икшыве-влакым осал пашам ышташ, эсогыл шкем шке пытараш таратыше увер-влак вераҥдалтыт.
Тиде тыглай огыл йодышым решатлаш йоча да ача-авашт дене умылтарымаш пашам эртарыман, чаралтше уверым вераҥдыме сайт-влакым писын кычал муман да блокироватлыман.
«Эн ончыч ме йоча-влакын илышыштым лӱдыкшыдымым ыштышаш улына», – манын Юрий Зайцев.
Тыгак Марий Эл вуйлатышын вуйлатымыж почеш эртыше антитеррористический комиссийын заседанийыштыже кўлешан объект-влакым аралыме, самырык-влак коклаште терроризм идеологий шарлыме ваштареш шогымо да Се‰ымашлан 80 ий теммым пайремлыме жапыште лўдыкшыдымылык йодышым ка‰ашеныт.
Мутат уке, самырык-влакым террорист пашашке ушаш тыршыме йодыш кызытсе жаплан пеш кўлешан. Осал е‰-влак интернет полшымо дене нунылан куштылгын оксам ыштен налаш темлат. Тыштат кугу рольым еш модеш. Ача-ава-влаклан икшывышт-шамыч дене тыгай темлымашын лўдыкшє тудын кушко шуктен кертмыж нерген мутланаш темлалтеш.
Марий Эл вуйлатыше палемден, кызытсе жапыште эре тўткє лийман е‰-влакын лўдыкшыдымылыкышт верч чылажымат ыштыман. Се‰ымашлан 80 ий теммым пайремлаш ямдылалтмылан поснак тўткыш кўлеш. Тудо тыныс, куан да икоян лийме шўлыш дене нимогай зиян деч посна эртышаш.
Марий Эл вуйлатышын пресс-службыжын уверже негызеш Евгений Садовин ямдылен.
Денис Речкинын фотожо/ Марий Эл вуйлатышын пресс-службыжо
