«МАРИЙ ЭЛ» ТАЧЕ

Элнет телымат кумылаҥда

Элнет телымат кумылаҥда
«Марий чодра» национальный паркыште телымат турист-влак республикыште йоген кайыше эҥерлаште тӱрлӧ пуш дене ийын коштыт.
Поснак Элнет эҥер нунылан келша. Тушто ий огеш нал, йогынжат ласка, вўдкорныжо кадыргыл-кадыргыл кая. Мутлан, шукерте огыл кок кечын Чуваш, Татарстан республикла, Киров область гыч турист-влак икмыняр тўшка дене вўд дене ийын каеныт. Тыгай канышым йєратыше-влак тидлан сапбордингым, пуэн пушым да пушкольмым, кучылтыт.
Национальный парк гочак йоген эртыше Ӱшӱўт эҥерымат турист-шамыч йєратат. Кеч тудын дене шошымсо вўдшор годым утларакше ийын кошташ нунылан келша. Молан манаш гын тыглай годым тудо аҥысыр. Вўдшє писын йога, сандене байдарке, катамаран але вес снаряжений дене ийше-влак тиде писылыкшым утларак шижыт. Но кызыт тидым ышташ огеш лий, эҥер гоч улшо кўварым олмыктат. Ты пашам, «Лӱдыкшыдымӧ сай качестван корно» нацпроект дене келышышын, «Мостремстрой» организаций шукта. Кӱваржым 1972 ийыште чоҥеныт улмаш. Але марте тудым нигунамат олмыктен огытыл. Тидлан кєра жаплан автомашина-влакланат тудым кораҥ кайыме корным келыштареныт. Объектым тений уэмден шуктышаш улыт.
С.Носова
Снимкыште: Турист-влак корныш тарванаш ямдылалтыт.
Фотом паркын соцкыл лаштыкше гыч налме.

Опубликовать в Одноклассники

Добавить комментарий