Марий Эл Кугыжаныш Погын председатель Михаил Васютин партийын ончылгоч йӱклымашкыже кандидат семын ушнаш официально регистрироватлалтын.
– «Единый Россий» элым вияҥдыме стратегический курс дене кая, тудым Президент палемден. Ме паша дене пеҥгыдемденна: Калык программыш пуртымо вияҥдыме вектор-влак Марий Эл кумдыкышто лектышым кондат. Депутат семын мыйын задачем – шумо кӱкшытым арален кодаш да республикыште илыше-влаклан мо кертмым умбакыже ышташ, – ойлен Михаил Зиновьевич.
Ончылгоч йӱклымашыш ушнаш шонышо-влак деч документым 14 май марте налыт.
