«Единый Россий» партийын активистше-влак рӱдоласе Луговая ден Советский уремлаште верланыше пӧртлаште илыше-влаклан вӱдшор жапыште лийше нелылыкым кораҥдаш полшеныт. Нунын кокла гыч полыш СВО-што улшо-влакын ешыштланат кӱлын.
Вӱд пурымо ик пӧртыштӧ пенсионерке ила. Тудын эргыже – СВО-н участникше. Ӱдыржӧ воктенжак ила да аважлан сурт кокласе сомылкам ышташ полшаш коштеш. Но нунылан шканышт гына нелылык гыч лекташышт йӧсӧ лийын, «Единый Российын» волонтержо-шамыч толыныт да кӱлеш полышым пуэныт. Пӧрт гыч вӱд йӧршын каен пытымеке, озаватылан тепловой пушкым кондат. Тудо пӧлемым кошташ полша.
СВО-н вес участникшын шуко шочшан ешыжат нелылыкыш логалын. Активист-влак нӧрышӧ неле мебельым пӧрт гыч уремыш луктедаш полшеныт.
Тиддеч посна волонтер-шамыч уремым эрыктеныт, йоча площадкым шотыш конденыт.
Любовь Камалетдинова
