Марий Эл вуйлатыше Юрий Зайцев республикыште правопорядкым ыштыме шотышто координационный совещанийым эртарен.
Тудын пашашкыже правительствын еҥже, федеральный контроль-надзор орган-влакын регионысо вуйлатышышт, исполнительный кучем орган-влакын, республикысе Кугыжаныш Погынын еҥышт ушненыт.
Погынышо-влак правопорядкым аралыме, тыгак республикыште контрафакт, алкоголян да спиртан фальцифицироватлыме сатум ужалыме ваштареш мерым ышташ кӱлмӧ нерген мутланеныт.
Юрий Зайцев палемден: демографический кризис пагытыште, а тудын факторжо-влак коклаште иктыже – аракам чот йӱмаш, кугыжанышын ик эн тӱҥ задачыже – еҥ-влакын тазалыкыштым да илышыштым аралымаш.
Заседанийыште республикыште улшо мер-политике стабильностьым арален кодымо шотышто могай ешартыш мерым ыштыме шотышто Марий Элын внутренний политике, верысе самоуправленийым вияҥдымаш да юстиций министрже Антон Мирбадалев палдарен.
Марий Эл вуйлатышын пресс-службыжын уверже негызеш Л.Камалетдинова ямдылен
