УВЕР ЙОГЫН

Еҥ-влакын илышыштым саемдышаш

 

Юрий Зайцев Марий Эл Республикын прокуратуржын коллегийжын кумдаҥдыме заседанийжын пашашкыже ушнен.

Заседаний деч ончыч регион вуйлатыше Россий Федерацийын генеральный прокуроржын алмаштышыже Николай Шишкин дене вашлийын. Нуно социально кӱлешан йодыш-влак нерген мутланеныт.

Николай Шишкин прокуратурын кучем дене вашумылымашыже улмым палемден.

– Чынак, прокуратур органла дене ме ваш сайын умылен пашам ыштена. Мутат уке, прокуратурын кучемын исполнительный, муниципал органже-влак деке йодышыжо уло. Ме чылажымат паша радам дене келшышын решатлена, – каласен Юрий Зайцев.

Республикысе прокуратурын коллегийжын заседанийыштыже ведомствын эртыше ийысе пашажым иктешленыт да 2025 ийыште ыштышашым палемденыт.

– Тендан тыршен пашам ыштымыда дене пашадар шотышто улшо 22 миллион утла теҥге парымым шӧрымӧ. Прокурор-влак инвалид-влаклан реабилитацийлан кӱлшӧ технический средства-влакым налын пуаш, пенсийым уэш шотлаш, пенсионный органын пособийым закондымын кучен кодымо оксажым налаш праваштым пӧртылтеныт. Тыгак илыме вер да коммунал сферыште, капитально олмыктымо, аварийный илыме верла гыч еҥ-влакым вес вере илаш кусарыме годым вашлиялтше нарушений-влакым кораҥдыме, – палемден Марий Эл вуйлатыше.

Республикын прокуроржо Илдус Нафиковын ойлымыж почеш, 2024 ийыште 9 тӱжем утла еҥын праважым аралыме да пӧртылтымӧ.

Заседаний мучаште Юрий Зайцев кучемын кугыжаныш органже ден прокуратурын пырля шуктымо пашашт регионым вияҥдаш, еҥ-влакын илышыштым саемдаш полша манын ӱшанымыж нерген ойлен.

Марий Эл Республикым вуйлатышын пресс-службыжын уверже негызеш Любовь Камалетдинова ямдылен.

 

Опубликовать в Одноклассники

Добавить комментарий