25 мартыште Оперативный штаб Марий Турек посёлкышто террористический актым чарен шогалтыме шотышто командно-штабной тунеммашым эртарен.
Легенде почеш, ик террорист «Мари-Турек» ий полатыш пурен, тушто пашам ыштыше да ты жапыште лийше еҥ-влакым сусыртен. Тудо сдатлалташ темлыме дене келшен огыл да шкенжым шке пудештарен.
Тиде ученийыште Россий ФСБ-н, Росгвардийын Марий Элысе управленийышт, республикысе МВД, кучем ден верысе самоуправлений орган-влак ваш келшен пашам ыштеныт.
Оперативный штаб вуйлатыше-влак тунеммаш сайын эртен манын акленыт, палдара Россий ФСБ-н Марий Элысе управленийжын пресс-службыжо.
Любовь Камалетдинова
