Интернет – оҥай тӱня, тушто шуко уым пален налаш лиеш, туге гынат шекланыман, вет лӱдыкшыжӧ уке огыл.
Но тиде лӱдыкшыж деч кузе аралалташ, аккаунт-влакым кузе ойырен мошташ, кибермошенник-влак деч кузе кораҥаш да чыла тидым ышташ могай технологийым кучылташ? Тиде да моло йодыш-шамычлан эртыше кечылаште Марий Эл Цифр вияҥмаш министрын алмаштышыже Олег Жаров Советский посёлкысо 3-шо №-ан школышто эртарыме Цифр грамотность урокышто каласкален. Тыгак тушто тунемше-влак ончыкыжым могай профессий-шамыч ик эн йодмашан лийыт да квантовый шотлымашын негызшым пален налыныт.
Тыгай урок республикысе школлаште «Данный-влак экономике» нацпроект дене келшышын эртаралтеш.
Галина Кожевникова
Фотом Советский районысо образований пӧлкан соцкылысе лаштыкше гыч налме
