16-17 февральыште Марий кугыжаныш университетыште тыгай лӱман тӱнямбал кӱкшытан форум лиеш. Тудо Россий Федераций президент Владимир Путинын кӱштымашыже дене келшышын «Без срока давности» шанче-просветитель проект кышкарыште эрта да Украиным фашист-влак деч утарымылан 80 ий теммылан пӧлеклалтеш.
Марий кугыжаныш университетыште студент, тыгак калыклан патриотизм шӱлышым шыҥдарыме дене кылдалтше ятыр паша ышталтеш. Вузын Педагогический институтшо 90 ий утла мемнан регионлан туныктышо-влакым ямдыла, сай качестван образованийым пуаш тыршыме дене пырля кугу тӱткыш патриотизм шӱлышым шыҥдарымылан ойыралтеш. Ты шотышто университетын «Воскресение» студент кычалше отрядшым палемдыман. 10 ийыште тудын боецше-влак 30 экспедицийыште лийыныт, кумшӱдӧ утла красноармеецын лулегыжым воин семын тоеныт, тыгак шочмо элнам аралыше-влакын лӱмыштым кычал муыныт. 2015 ий гыч Марий кугыжаныш университетыште кычалме толкынын Историй тоштерже пашам ышта, тушто экспедицийла гыч кондымо экспонат-шамыч (500 утла) аралалтыт.
Г.Кожевникова
