ТАЧЕ ЯЛЫШТЕ

«Чыла пашамат рӱж ыштена»

«Чыла пашамат рӱж ыштена»

У ий деч ончыч Волжский район Черкысолаште командировкышто лийме годым Любовь Семеновна Желтухина дене палыме лийынна. Тудо ынде ялыште 66 ий ила.  Шкеже шочын пошкудо Тошнер ялеш шочын. Черкысолаш  тудым   идалыкаш азаж годым аваже конден. Тиде сурт-олмыштак вара шочын-кушкын. Пелашыже ты ялысе  пошкудо рвезе. Ынде Арсений Васильевич коктынат пенсийыште улыт. Арсений Васильевич ӱмыреш эре водитель лийын. А Любовь Семеновна «Бизирьгубский» совхозышто гаражыште,  Компрессорный станцийыште КС-22 завасклад тыршен. Тиде суртым пелаш дене ушнымо деч вара 1985 ийыште ожнысо пакча олмышто ыштыме. А тошто сурт олмеш гаражым шындыме. Суртшым ошо да канде чия дене чиялтыме. Уремыште корным волгалтарашлан лӱмын меҥыште светодидан лампым сакыме. Тудыжым кунам кӱлеш, тунам кастене чӱктат.

Озаватын ойлымыж почеш. Кудышто улшо оралтыжым тудо шке семын тӱжвачын чыла шке сылнештарен.

—  Чыла  мо кӱлеш чыла шке проект почеш, тудым ыштыме. — каласыш Любовь Семеновна.

Вара озавате дене кудывечыште ыштыме мотор беседкым, пакчам, оралтым ончен лектынна.  Вара умбакыже беседкыштак мутланышна. Тыште лӱмын каналташ креслым шындыме, ӱстембалыште, самовар да пеленак «статице» пеледыш шинчашкем логале. Кукшу пеледышым вазыште шындыме. Пеледышым пуйто кызыт веле поген шындыме. Пеледышын мотор тӱсшӧ чылт йомын огыл!

— Теле гоч тыгак шога, шке тӱсшым арала. — каласыш озавате. — Ик чӱчалтыш вӱдат тушто уке. Суртышкат пурташ лиеш. Пеш моторын коеш.

Озавате дене пакчажым ончымо годым. Ынде мотоблоклан марийже «Запорожец» гыч оравам налын да тыгай мотоблоклан келшыше оравам ыштен. Тудын дене пум, шудым, шӱкшакым шупшыктена. Кок йочам уло. Йоча-влак чылынатешаҥыныт. Кум уныкам уло. Кажный ешын тукымжо уло. Мариемын гын  — Таракан тукым.  Нуно Черкысолаште, Шарачаште финский уремыште илат. Ялыште эн кугу тукымлан шотлалтеш. Памашын вӱдшӧ пеш чапле. Леонидын ачаже Тараканов Сергей  Демьянович памашым почын.  А вич ий ончыч. Чылан оксам поген угыч ялысе памашым тӧрлатенна. Оксам поген вӱд насосым налынна. Тений шошым вӱд сай погынен шындеш.  Ялыште вольык шотышто ик ушкалат, ик шорыкат уке. Сӧснажым ончат да чыве-комбым веле ашнат. Мый бройлер чывым, индоуткым ашнем. Кӧ мом йӧртатудым ашна. Ондак вольыкымат  онченна. Тиде беседкым пелашем дене пырля ыштенна. Мый шонем, шке шонем муынна. Кеҥежым йоча-влак кажне каныме кече годым мончаш пураш толыт. Кеҥежым пакчаште  ыштыме мангалыште шашлыкым ыштена.

Шекланенам кудывече мучко пеш моторын пластик гыч ыштыме вӱд волак ден плиткым оптымо.  Кудывечыште пластик дене тротуарым ыштыме. Тыге кудывечыште вӱд ок погыно.

— Кеҥежым мемнан дене  пеш мотор.  — умбакыже мутым шуя Любовь Семеновна.  —  Чыла вере пеледыш пеледеш.  Вара кудывечым, пакчам сылнештарена. Теве эргын автомашинан ораваж гыч веҥе теҥылым ыштен. А чиялтенам  мый. Уремышкат лектына да тушто сурт пеленак электромеҥгыште светильникым сакыме.  Калык кажне сурт пеленышт тыгай светильникым сакеныт. ве волакым шындыме. Вич ий эртыш. Вӱдолан Волжский ола гычат толыт.

 Михаил СКОБЕЛЕВ,

Лидия ШАБДАРОВА                 

М.Скобелевын фотожо

Опубликовать в Одноклассники

Добавить комментарий