Вячеслав КОМАРОВ Советский район Кельмаксола ялыште 1977 ий 5-ше майыште шочын. 1994 ийыште Кельмаксола кыдалаш школым тунем пытарен. Тулеч вара Н.К.Крупская лӱмеш Марий кугыжаныш пединститутын историй да филологий факультетыштыже тунемын. 1999-2006 ийлаште Медведево районысо Пижма кыдалаш школышто марий йылме да ИКН предмет-влакым туныктен, директорын йоча-влакым туныктымо да шуарыме шотышто алмаштышыжлан ыштен. 2006 ий гыч тӱҥалын 2020 ий марте «Марий Эл» ГТРК-н корреспондентшылан да «Марий Эл увер аршаш» передачын вӱдышыжлан тыршен. Кызыт – Марий Эл Республикын тӱвыра, печать да калык-влакын пашашт шотышто министерствыжын савыктыш да тӱшка коммуникаций пӧлкаштыже тӱҥ специалист-эксперт.
Таче кечылан кум поэзий книгаже ош тӱням ужын. 2018 ий гыч Россий писатель ушемын йыжыҥъеҥже. Возымыжым «Эрвий» альманахыште, «Ончыко» журналыште, газетлаште ужаш лиеш. 2016 ийыште «Светлана» сылнымут премийым сеҥен налын, тыге 2017 ийыште «Тошкем йолгорно. Родовая тропа» сборникше лектын. Автор тыгак прозыштат шке вийжым терга. Икмыняр ойлымашыже савыкталтын.
Л.СЕМЕНОВА
Вячеслав Комаровын почеламутшо-влакым 2022 ий 12 апрельыште лекше «Марий Эл» (26 №) газетыштына лудса. Вес ийлан подпискым ышташ вашкыза!
