Марий Эл вуйлатыше Юрий Зайцев Россий Федерацийыште региональный вияҥмаш шотышто правительственный комиссийын президиумжын (штабшын) видеоконференцкыл йӧн дене эртаралтше заседанийышкыже ушнен.
РФ правительстве председательын алмаштышыже Марат Хуснуллин ончышаш тӱҥ йодыш-влак нерген ойлен. Иктыже Российысе субъектлаште илыме верым чоҥымо дене кылдалтын.
Юрий Зайцевын мутшо почеш, тений январь-февральыште Марий Элыште 74 тӱжем квадрат метр илыме верым ыштыме. Посна тӱткыш шке пӧртым чоҥымылан ойыралтеш. Тудыжым тений 60,5 тӱжем квадрат метрым нӧлтымӧ.
2025 ийыште чылаже 478 тӱжем квадрат метр илыме верым чоҥаш палемдалтеш.
Марий Эл вуйлатышын пресс-службыжын уверже негызеш Любовь Камалетдинова ямдылен.
