Татарстанысе Семык пайрем кышкарыште тыгай конкурс эртен.
Тушко тӱрлӧ кундем гыч 8 ӱдыр ушнен. Условий почеш ӱдыр-влак шкешт дене палдареныт, марий вургемым, йӱлам, усталыкыштым ончыктеныт. Икымше верыш Уял гыч Наталья Ишимова лектын. Тудо кызыт Йошкар-Олаште ик автошколышто пашам ышта. Кокымшо ден кумшо Нижнекамск гыч Дарья Бахметова ден Мамадыш район гыч Юлия Сергеева лийыныт.
Тыштак эртаралтше «Марий еш» конкурсын сеҥышыже – Ирбулдинмытын вич йочан ешышт. Моткоч усталык шӱлышан марий еш. Ангелина ӱдырышт кызыт верысе тӱвыра пӧртын да «Кна вел» ансамбльын художественный вуйлатышыжлан ышта.
Снимкыште: Н.Ишимова.
Фотом Н. Ишимован воткыл лаштыкше гыч налме
