«Профессионал-влак» чемпионатын той призёржо, Йошкар-Оласе строительно-промышленный техникумын студентше Константин Половников 22 апрель гыч 4 май марте «ПМК-3 СЗ»» АО-што стажировкым эртен.
Республикын ик эн ончыллан шотлалтше чоҥышо компанийыштыже рвезе ик эн уста наставник-влакын вуйлатымышт почеш пашам ыштен. Техникумын директоржын алмаштышыже Мария Домрачеван палемдымыж почеш, чоҥышо-влак ончыкылык самырык специалистым сайын вашлийыныт, пашалан йӧным ыштеныт.
Г.Кожевникова
Фотом Марий Элысе СПО-н сайтше гыч налме
