РФ президент пелен Марий Элын постоянный полномочный представительствыштыже вашталтыш лийын, тудо ик еҥлан ешаралтын.
Тиде кечылаште полномочный представитель Ольга Бадма-Халгаеван алмаштышыжлан Елена Танниковам шогалтеныт. Тидын шотышто Марий Эл вуйлатышын кӱштымашыжет лектын. Еленам ме Санкт-Петербург ден Ленинград областьыште Марий Элын полномочный представительже семын палена. Шкенжын воткыл лаштыкыштыже увертарымыж почеш, алмаштышылан шогалтымекат, тудо тачысе кече марте шуктымо пашажлан ӱшанле кодеш: кызыт илыме да пашам ыштыме Санкт-Петербург олаште да Ленинград областьыште шочмо калыкше верч тыршаш тӱҥалеш.
Светлана Носова
Снимкыште: О. Бадма-Халгаева ден Е.Танникова
Фотом О. Бадма-Халгаеван воткыл лаштыкше гыч налме.
