Ӱмаште регионышто ача-ава сообществын тӱҥалтышышт дене кылдалтше Россий кӱкшытан конкурсышто сеҥыше-влакын 12 проектыштым илышыш шыҥдарыме.
Сеҥыше радамыш лекше проект-влак полшымо дене школлашке у оборудованийым налме, тунемме верысе кумдыкым уэмдыме, мастер-класслам да моло мероприятийлам эртарыме. Мутлан, Советский посёлкысо 3-шо №-ан школышто «ДвижениеБезОпасности», Йошкар-Оласе 14-ше №-ан гимназийыште «Инноваций теплице – пырля кушкына да ончен куштена», Оршанке район Кугунур школышто школ газет редакцийым чумырымо дене кылдалтше проектлам илышыш пуртымо.
«Кажне проектын негызыштыже – ача-ава-влакын комитетыштын вий-куатше да шонымашыже. Пырля ме школ илышын качествыжым саемдена», – возен тг-каналысе лаштыкыштыже Марий Элым вуйлатыше Юрий Зайцев.
Г.Кожевникова
Фотом Марий Эл Образований да науко министерствын соцкылысе лаштыкше гыч налме
