Йошкар-Олаште верланыше Т.Иштрикова лӱмеш «Синяя птица» гуманитарный гимназийын ача-ава-влак комитетше Ача-ава-влакын сай тӱҥалтышышт дене кылдалтше Россий кӱкшытан конкурсышто сеҥыше-влак радамыш лектын 500 тӱжем теҥге наре кугытан окса премий дене палемдалтын.
Туныктышо-влак дене пырля ямдылыме проектышт – «Синяя птица: путешествуя к мечте» театрально-музыкальный представлений. Автор-влакын тӱҥ шонымашышт – школышто тунемше-шамычым соцсетьла деч кораҥдаш да икте-весе дене шинчаваш мутланымын кӱлешлыкшым ончыкташ.
Г.Кожевникова ямдылен
Фотом Марий Эл Образований да науко министерствын сайтше гыч налме
