НОВОСТИ СПОРТ Чолгалык

Кече, юж, яндар памаш – улыт мыланна йолташ!

 

Эртыше кечылаште «Марий Эл» ий полатыште Молодёжный политике, спорт да туризм министерстве журналист-влаклан эртарыме пресс-конференцийыште  «Ужар фитнес» проект дене палдарен.  

«Ужар фитнес» – тиде яндар южышто тренировкым эртарышаш   федеральный проектын шкешотан лӱмжӧ, социально-спортивный толкын. Тудо «Демографий» национальный проект кышкарыште «Спорт – илышын нормыжо» федеральный проектым, тўшка спортым илышыш шыҥдарыме амал дене тӱҥ шотышто общественный верлаште яра эртаралтеш. Мутлан, сай игечыште верысе тренер-влак олаште илыше калыкым йога, дзюдо, зумба, бачате, стретчинг дене тренироватлаш тӱҥалыт.

Тыгайже регионыштына кумшо ий эртаралтеш. Поснак – Сомбатхей кундемысе Тазалык аллейыште, Патриарший площадьыште.  

Ты федеральный проект почеш кумылан еҥ-влак яндар южышто тренироватлалтыт. Тудым профессионал фитнес-тренер-шамыч парклаште, эҥер серыште але иктаж площадкылаште офлайн але онлайн йӧн денат эртарат. Тушко тӱрлӧ ийготан-влак ушнен кертыт. Тышке ушнаш, тєрштылаш, кушташ йӧнан вургем да йолчием гына кӱлыт.

Тыге ончыкыжым капкылым тазаҥдаш эшеат куштылгырак лиеш.  Келшыше занятийым zelfi.ru сайтыште ойыро да тол веле. Эше ик оҥай темлымаш: чолгарак участник-влаклан  кеҥеж тургым мучаште пӧлекым кучыктат.

Тений кумылан-влаклан «Ужар фитнес» проект кышкарыште кажне арнян Йошкар-Оласе парклаште, каныме верлаште пилатесу, зумба, йога, стретчинг дене тренироватлалташ йӧн пуалтеш. Организатор-шамыч районлашкат лекташ шонат. Тыгай оҥай тренировко 21 майыште Йошкар-Оласе рӱдӧ паркыште 18 шагатлан стартым налеш.

Элыштына тыгай проект 7 ий палыме. тушко Российын 63 кундемже ушнен. Йошкар-Олаште яра тренировкыш 2020 ийыште 1000 утла учатник ушнен. Тыгай спорт мероприятийын расписанийже дене лишыл жапыште палдарат.  

Е.ЭШКИНИНА.

Опубликовать в Одноклассники

Добавить комментарий