«Паша ышталтеш, тыршена…», – манеш Россий ДОСААФ-ын Марий Элысе региональный пєлкажым вуйлатыше МЧС полковник Вячеслав Тихонов. – Элыштына черетан шошо призыв тӱҥалын. Теният тудо Россий президент Владимир Путинын указше почеш молгунамсе семынак 1 апрель гыч 15 июль марте шуйна.
Ӱмаште ДОСААФ-ыште 176 специалистым ямдылыме гын, тений 152 курсантым туныктышаш улына. Таче кечылан 79 курсантым ямдылыме. Ончычсо семынак историй, патриотизм, дене кылдалтше йӱлам арален, умбакыже шуена. Самырык тукымым чын куштымаште, спортын авиационный да технический видшым, тыгак юнармий толкыным вияҥдымаште тыште кугу паша ышталтеш. Историй ынже мондалт манын, курсант-влаклан тӱрлӧ тоштерлашке экскурсий-влак, военнослужащий-шамыч дене вашлиймашла эртаралтыт.
Чыландамат шушаш Сеҥымаш пайрем дене салмалем. Тазалыкым, пиалым, тынысым тыланем.
ДОСААФ ончылно тыгай задаче шындалтеш:
- граждан-влакым Отечествым аралаш ямдылаш, военно-патриотически воспитатлаш;
- рвезе-влакым военно-учетный специальностьлан туныкташ;
- авиационный да технический, спортын военно-спортивный видшым вия‰дыме пашаш ушнаш.
ДОСААФ-ыште ныл специальностьлан туныктат. Тиде «С», «Д», «Е» категориян водительлан, тыгак электромеханик-водитель-шамычым ямдылат.
Ушненыт
19 апрельыште ДОСААФ-ын Йошкар-Оласе технический рӱдерыште у курсант-влакым чумырымо. Ты гана Марий Элын военный комиссарже Ю.Аксёнов ден Россий ДОСААФ-ын Марий Элысе региональный пєлкажын вуйлатышыже В.Тихонов военком-влак деч курсант-шамычым технический рўдерыш торжественно колтеныт. Эртыше кечылаште ты технический рўдерын преподавательже-влак тунемме-материальный базыште эртаралтшаш занятийла дене палдареныт.
– Ме ӱшанена: курсант-влак ончычсо-шамыч семынак сайын тунемын, водительский правам налыт да Вооруженный Вийыште службылан ямдылыме задачым лийже манынак шуктат, – мане Вячеслав Николаевич.
Вашталтыш шуко огыл, но уло
Регионыштына призыв тӱҥалме амал дене республикысе военный комиссариат пресс-конференцийыште у вашталтыш дене палдарен. Лекше йодышым Марий Элын военный комиссарже Юрий Аксёнов рашемдаш полшен.
– Республикыште самырык тукымым военно-патриотически шўлышеш куштымаш сай корным налын. Тудын лектышыжат уло, вет пытартыш жапыште срочный службо деч кораҥаш шонышо шагалемын, – палемден Юрий Викторович. – Но «уклонист» маныт, а мый тыгай-влакым «йомшо» семын палемдынем, улыт. Тидланже амалжат тӱрлӧ. Можыч, южышт йолташышт деч службо нерген сай огылым пален налыт але интернетыште лудыт… Но амал деч посна салтакыш кайышаш рвезе комиссийын заседанийышкыже огеш тол гын, тудлан делам почыт. А повестке почеш толдымо еҥлан 3000 теҥге оксам тӱлыман. Тыгайже икмыняр гана лиеш гын, уголовный делам почыт.
Палаш оҥай:
- тений Марий Элыште салтак радамыш 700 еҥ шогалшаш;
- спорт да шанче ротыш логалаш икмыняр йодмашым шуктыман; Мутлан, спорт ротыш регион, элнан, сборныйлаштыже лийше-влакым налыт, а научный ротыш тунемме заведенийла гыч эн устажым ойырат;
- службылан Россий ДОСААФ-ын Марий Элысе региональный пєлкаштыже сай специалист-влакым ямдылат;
- альтернативный службым тений кум еҥ эрта. Тыгай службо 18 тылзе шуйна, но тидлан йодмашым пел ий ончычак возыман;
- призывниклан срочный але контракт почеш служитлаш ойыраш йєн пуалтеш. Контракт почеш службым ойырышым (2 ий) физически таза улмым, тыгак психологий велым моткоч келгын тергат.
- Е.ЭШКИНИНА
