Черетан шошо призыв стартым налын. Тудо теният Россий президент В.Путинын указше почеш молгунамсе семынак 1 апрель гыч 15 июль марте шуйна. Коронавирус пандемийлан кӧра ты аланыштат изиш вашталтыш уло.
– Призывной комиссий 12 май гыч пашам ышта. Икымше тӱшкам Российын кечыж деч вара, июнь кыдалне гына колтышаш улыт. Тыгодым верысе муниципал рӱдерыштат, республик кӱкшытан сборный пунктыштат ты черын шарлен кертме лӱдыкшым шотыш налына: чыла вере дизинфекцийым ыштат, арулыкым эскерат. ЕГЭ-м сдатлаш ямдылалтше тунемше-влак военный службыш огыт кай. Нунылан кўшыл заведенийлашке тунемаш пураш йӧн пуалтеш. Колледж ден вузлам тений пытарыше-шамычым выпускной экзаменым сдатлыме деч вара гына военкоматыш ӱжыктат, – палемдыш Марий Эл Республикысе сборный пунктышто призыв отделын начальникше Вячеслав Фоминых.
Е.ЭШКИНИНА
