ОБРАЗОВАНИЙ УВЕР ЙОГЫН ШИНЧЫМАШ КУГОРНЫШТО

48 самырык еҥлан — грант

Марий радиомеханический техникумышто «Самырык профессионал-влак» (Worldskills Russia) X Открытый региональный чемпионатыште сеҥыше да Марий Эл правительствын грантше дене палемдалтше-влакым торжественно саламленыт.

Республикын правительствыжын 2020 ий 30 июньысо «Профессионал мастарлык шотышто Марий Эл правительствын грантшым пеҥгыдемдыме нерген» пунчалже дене келшышын, регионысо чемпионатыште сеҥыше-влаклан да нунын наставникыштлан республикын бюджетше гыч грант – 5000 теҥге кугытан – пуалтеш.

Тений февральыште эртыше «Самырык профессионал-влак» регион кӱкшытан таҥасымаште 48 самырык еҥ да 43 наставник тыгай наградым сеҥен налын. Мероприятийыште нунылан дипломым Марий Эл правительстве председательын икымше алмаштышыже Михаил Васютин кучыктен. Тудо самырык тукымлан Волдскилс толкынын кӱлешлыкше нерген ойлен да палемден: Марий Эл правительстве тудым да кыдалаш профессионал образованийым уэмден вияҥдымылан кугу тӱткышым ойыра.

Г.Кожевникова

Фотом Марий Эл Образований да науко министерстве гыч налме.

Опубликовать в Одноклассники

Добавить комментарий