Туныктышо-влакын кугу арняштышт Марий Эл образований да науко министр Лариса Ревуцкая кундемнан тунемме верлаштыже пашам ыштыше самырык педагог, тыгак туныктымо пашан ветеранже да туныктышо-влакын тукымышт дене вашлийын.

Ик тукымышто шукын туныктышо улыт гын, еш дене вашлийме годым, мутат уке, мутланымаш эреак школ, тунемше-влак велыш шиждымын савырна. Министр дене вашлиймаш годым нуно эн ончычак тидым палемденыт, вара гына шкешт дене палдареныт. Шукынжо ача-ава кыша почеш каеныт, а южыжо вес профессийым ойырен, но варажым садак школ пашаш толын.

Кодшо арнян тыгак республикыштына тений 1 сентябрьыште икымше гана туныктымо пашаш тошкалше самырык педагог-влакын слётышт лийын. «Чодыра йомак» тазалыкым пеҥгыдемдыме да каныме йоча комплексыште эртыше мероприятийыште Лариса Ревуцкая  «Жап мемнан ойырен» лӱман почмо урокым эртарен, погынышо-влак дене мутланен.

Г.Кожевникова

Фотом Марий Эл Образований да науко министерствын сайтше гыч налме