Кодшо арнян Оршанке посёлкышто Донорын кечыже эртен.
Тушто Республиканский вӱрым пуымо станцийын куснылшо пунктшо пашам ыштен. Акций кышкарыште медик-влак 32 еҥ деч 15 литр утла вӱрым налыныт. Тиде чот кугуракат лийын кертеш ыле, но вӱрым пуаш толшо южо еҥ тыгай сынан поро пашалан тазалык шотышто келшен толын огыл.
Оршанке посёлкышто Донорын кечыже пытартыш гана вич ий ончыч лийын.
М.ИВАНОВА
