Марий Эл вуйлатыше Юрий Зайцев врач-влаклан илыме верыштым саемдаш 3 миллион теҥге выплатым (ик гана) пуымо нерген пунчалым подписатлен.
Республикын бюджетше гыч тиде оксам ик эн йодмашан специальностян медицине пашаеҥ-влак налыт. Ты радам Марий Элысе Тазалыкым аралыме министерствын приказше дене келшышын палемдалтын.
Тиде окса полышым налмеке, пашаеҥ медучрежденийыште 10 ий деч шагал огыл пашам ыштышаш.
– Республикыштына медицине учрежденийлаште врач-влак ситыдыме нелылык уло. Тиде йодышым йыжыҥын шуктыман. Тыгай полыш специалист-влакым ешараш йӧным ышта манын шонем, – палемден телеграм-каналыштыже Юрий Зайцев.
Л.Камалетдинова
