Гороскоп

29 март – 4 апрельлан гороскоп

Шорык

Тиде арнян илыме вердам саемдаш темлалтеш. Тышке лишыл еҥда-влакымат ушыза. Тыге сомылда писынрак ворана. Паша верыштыда вуйлатыше вашталт кертеш. У вуйлатыше дене те вигак огыл ик ойыш шуыда. Тиде жап кужун шуйнен кертеш.

Презе

Тендам окса йодыш тургыжландараш тӱҥалеш. Тӱрлӧ кырча-марчалан ятыр шийвундо кайыме кумылдам волта, вет тидлан кӧра те иктаж кугу сатум налаш тудым поген ситарен кертдымыдам умыледа. Ты амал дене ешартыш оксам ыштен налаш йӧным кычалаш тӱҥалыда.

Йыгыр

Те шкендан личный бизнес-проектдам нимо уке гыч нӧлташ тӱҥалыда. Тидым ышташ эн сай йолташда чотак полша. Тыгодым жапым шагал ойырымылан пелашда ӧпкелалтеш да кычалтылаш тӱҥалеш. Тыге ынже лий манын, каныш кечылам тудлан пӧлеклыза.

Рак

Тиде арнян, очыни, шочмынак пашаштыда кугурак должностьыш але разрядыш кусараш шонымо нерген пален налыда. Ты уверлан лишыл еҥда-влакат куанат. Но вес родыдан эшеат кугу кӱкшытыш шумыж нерген колмеке, палымыда-влак уло тӱткышыштым тудлан ойырат.

Лев

Те пӱтынь гаяк жапдам тӱжвал сыным шотыш кондымылан ойыреда. Моторрак у вургемым налме деч ончыч каҥгешташ кумылда лектеш. Но тидлан спорт дене кылым тӱшкан кучаш шонен пыштеда да йырда икмыняр еҥым чумыреда. Ала-кудо родыдалан полышда кӱлеш лиеш.

Ӱдыр

Окса шотышто арня куандарыше лиеш. У деловой кылым ышташ келшыше жап. Изарнян да кугарнян йӧратыме еҥда дене икте-весе коклаште умылыдымаш ынже лек манын, чылажымат тудын шонымыж семын ышташ тыршыза. Тыге каныш кечыдат куандарыше лиеш.

Виса

Тиде арня нимо ойыртемалтше денат шарнымашеш огеш код. Те шуко оксан лийнеда, но тудым кузе ыштен налаш огыда пале. А теве лишыл йолташда пала да шонымашыжым илышышкат пурташ тӱҥалеш. Сандене тудым мыскылыме семын ойлаш ида вашке – кӱлеш лийын кертеш.

Скорпион

Карьер тошкалтыш дене кӱзаш, пашаштыда эшеат кугу кӱкшытыш шуаш кумылда лектеш. Да тидыжым ыштенат кертыда, вет тыланда воктеныда улшо

еҥ-влак полшат. Тыгодым пелашда тендан верч куанаш огеш вашке. Мӧҥгешла, жаплан кораҥме гай лиеш.

Пикшызе

Тиде арнян чот тыршен, пӱжвӱдым йоктарен пашам огыда ыште гынат, лектышыш шуыда. Тидыже оксадам ешараш полшен кертеш. Тыгак лотерей дене шийвундым модын налыда, очыни. Пашаште южо коллегыда дене шкендам вес семын кучаш тӱҥалыда.

Ирказа

Шочмо ик эн неле кече лиеш, молан манаш гын пашаште поснак кугу тӱткышым йодшо сомыл-влакым шукташ логалеш. Тыгодым йоҥылышым колтымо деч шекланыман. Моло кечын кеч-могай пашамат ласкан, утыжым тургыжланыде шуктен кертыда.

Вӱд йоктарыше

Арня иксемын огеш эрте. Шочмын пашам сайын тӱҥалыда гын, кушкыжмо гыч тӱрлӧ нелылык лектын кертеш. Вуйлатыше але ала-кудо коллегыда нерген шылтален ойлымо кугу умылыдымаш марте шукта, очыни. Лыпланаш йолташда-влак полшат.

Кол

Пашаште кугу кӱкшытыш шуыда, оксада ешаралтеш. Шке бизнесда уло гын, тудо поснак ворана. Кӧ пашам кычалеш гын, арня куандарыше лиеш. Изарнян да кугарнян йӧратыме еҥ дене сырыме деч шекланыза. Каныш кечылам йолташда-влак дене пырля эртарыза.

Л.КАМАЛЕТДИНОВА

Опубликовать в Одноклассники

Добавить комментарий