Марий Эл Республикым вуйлатыше Юрий Зайцевын инициативыж почеш специальный военный операцийын участникше-влаклан ик гана пуалтше региональный выплатым 1,8 миллион теҥге гыч 2.6 МИЛЛИОН теҥге марте кугемдыме .
Республикым вуйлатыше Юрий Зайцев тидын нерген Указым 10 февральыште подписатлен.
Тыгак 400 тӱжем теҥгем Российын Обороно министерствыже ойыра. Тыгеракын, Марий Эл Республик гыч СВО-ш контракт почеш кайыше боец ынде иканаште 3 МИЛЛИОН теҥгем налын кертеш.
Тушко, тулан кундемыш, кайыше рвезына-влак элын интересшым достойнын аралат, нуно ешышт шотышто тургыжланышаш огытыл. Сандене ме выплатым кугемдена, полышым пуымо у мере-влакым илышыш шыҥдарена. Боец-влаклан да нунын лишыл еҥыштлан ончыкыжат полшаш тӱҥалына, палемден Юрий Зайцев.
Тачысе кечылан Марий Элыште СВО-н участникше-влаклан да нунын ешыштлан полшен шогымо шотышто 50 мере кучылталтеш. Тиде: спецопераций кундем гыч пӧртылшӧ-влаклан психологий ден медицине шотан реабилитаций, нуным пашаш пуртымаш, тӱлыдымӧ юридический полышым пуымаш, илыме верлан да коммунал услугылан тӱлымылан компенсацийым тӱлымаш, илыш йӱла дене кылталтше йодыш-влакым тӧрлымаш.
Марий Эл вуйлатышын пресс-службыжын уверже негызеш Павел Шакиров ямдылен.
Фотом Марий Эл вуйлатышын пресс-службыж деч налме
