Гороскоп

26 октябрь – 1 ноябрьлан гороскоп

Шорык

Тиде арнян азартный модмашке ушнаш, чояланаш кумылда лектеш. Но шекланыза: тыге нелылыкыш логалын кертыда. Тыгак у еҥ дене палыме лиймыда шуаш тӱҥалеш. Но шӱдыр-влак тидат нимо сайышке огеш шукто манын шижтарат.

Презе

Родыда, лишыл еҥда-влак дене пелашда шотышто ӱчашымашке шумо деч кораҥаш тыршыза. Юрист-влакын полышышт кӱлеш лийын кертеш. Пашаште карьер тошкалтыш дене кӱзаш йӧн лектеш. Вуйлатыше, пырля тыршыше-влак дене кылда сай лиеш.

Йыгыр

Шке вий-куатым тӱрлӧ велыш «кышкылташ» огеш темлалт. Лучо ала-молан иктылан кучылтса. Кылмен черланыме деч шекланыза, уке гын тудо пландам чотак пудыртен кертеш. Таҥасымаш ден конкурслашке ушнаш келшыше жап.

Рак

Тиде арнян шкем куандарышашлан шуко оксам пытараш огеш темлалт. Такшымат оксам аныклен кучылташ тунемза. Иктаж-мом страховатлыме да лӱдыкшыдымылык дене кылдалтше йодыш-влакым рашемдаш келшен толеш. Кредитым налын кертыда.

Лев

Еҥ-влак дене кылым ышташ келшыше арня. Тиде жапыште кеч-могай йодышым рашемдыме годымат икте-весым сайрак умыледа да ик ойыш куштылгынрак шуыда. Пелашда денат мутланен келшаш тыршыза, уке гын коклаштыда нелылык лектын кертеш.

Ӱдыр

Шке капкылда да тӱжвал сында дене кылдалтше йодыш тургыжландараш тӱҥалеш. Мом кочмылан кугурак тӱткышым ойырыза, шукырак тарванылза. Воктеныда улшо-влак да йӧратыме еҥда дене мутланыме годым чояланаш ида тырше, пален налме уверым ида савыркале.

Виса

Тиде арнян усталыкдам але пашаште шкендам сай велым ончыкташ йӧн лектеш. У талантдамат «муын» кертыда. Личный илышыштыда сай велыш вашталтыш лиеш – у еҥ дене палыме лийыда, очыни. Но тидлан шкан чолгалыкым ончыктыман. Оксам аныклен кучылтман.

Скорпион

Воктене улшо еҥ-влак дене ӱчашымашке, вурседылмашке ушнаш ида тырше. Тыге жапдам да вийдам веле арам пытареда. Лучо ик ойыш шуаш

тыршыза. Мӧҥгыштыда чылажымат шотыш кондыза. Тыгодымак утларак жапым канышлан ойыраш темлалтеш.

Пикшызе

Тиде арня йолташ-шамыч дене утларак мутланаш келшыше лиеш. Воктеныда тӱҥ шотышто чонланда лишыл еҥ-влакак гына «пӧрдаш» тӱҥалыт. У йолташ-шамычым муаш йӧн лиеш. Тидланже еҥ-влакым шке велке савырен моштымыда полша.

Ирказа

Тӱрлӧ прибор, ырыктыше аппарат, тул дене тиде арнян шӱдыр-влак поснак тӱткӧ лияш кӱлмӧ нерген шижтарат. Йолташ-шамыч дене нимогай авантюрыш ушныман огыл. Шке чап ден лӱмнерым нӧлталме нерген азапланаш уто огыл.

Вӱд йоктарыше

Тиде арня тунемаш келшыше лиеш. А улшо шинчымашда у кӱкшытыш шуаш полшен кертеш. Тидыже шымлыме, науко пашаште палдырна, очыни. Пелаш дене ӱчашымашке шуаш огыл манын, шкем ласкан кучыман. Юридический йодыш-влакым рашемден кертыда.

Кол

Тиде арнян йолташда-шамыч радамыш кумдан палыме да чапланыше еҥ-влак ушнат. Кызыт да ончыкыжымат нуно тыланда чотак полшен кертыт. Ончыч умылыдымашым лукшо ала-могай йодыш нине кечылаште шкежак куштылгын рашемдалтеш.

Л.КАМАЛЕТДИНОВА

Опубликовать в Одноклассники

Добавить комментарий