8 сентябрьыште республикыштына Марий Элын шымше созыв Кугыжаныш Погынышкыжо, тыгак оласе округ, ола да ял шотан илем-влакын представительный органлашкышт депутат-влакым сайлаш тӱҥалына. Икымшышкыже 52 депутатым, весышкыже 1358 ойырыман.
8 июнь гыч 7 июль марте Кугыжаныш Погыныш сайлымашке кандидат-влакым темленыт. Тушко партий списке да ик мандатан округла гыч кандидат-влакым темлымашке 10 избирательный обьединений ушнен. Чылаже 554 кандидат погынен. Шкем шке темлышат лийыныт. Тыгайже ик мандатан 19 избирательный округ гыч 25 лийын.
Партий-влак деч кандидат спискым да ик мандатан округла деч кандидат-влакым регистрироватлыме пагыт 24 июньышто тӱҥалын да 24 июльышто 18 шагат кастене мучашлалтеш. Тачысе кечылан «Единый Россий», «Справедливый Россий» партий-влакын региональный пӧлкаштын темлыме списке-влакым гына регистрироватлыме, тыгак ик мандатан 33 избирательный округ гыч 90 кандидат раш.
22 июнь гыч 21 июль марте муниципальный образований-влакын представительный органлашкышт депутат-влакым сайлымашлан кандидат-влак темлалтыт. Тачысе кечылан участвоватлыме нерген 5 избирательный объединений увертарен. Нунын коклаште «Единый Россий», КПРФ, ЛДПР, «Справделивый Россий», РОСТ партий-влак. Кызытеш 357 еҥым темлыме: тышеч партий-влак деч 311 кандидат, шке гыч — 46. 60 кандидатшым регистрироватлыме. Мутлан, «Йошкар-Ола» оласе округын депутатше-влак погынымашке чылаже 96 еҥ темлалтын гын, 61-шым кандидат семын регистрироватлыме.
2 августышто шымше созыв Кугыжаныш Погыныш депутатлан мыняр кандидатым регистрироватлыме раш лиеш. сСйлыме спискыш лач нунын лӱмыштым пуртат. А муниципальный сайлымаш шотышто кандидат-влакым 8 августышто пален налына.
Сайлымаш кампаний дене кылдалтше законодательствым пудыртымо шотышто кызытеш Марий Элын ЦИК-ышкыже 3 вуйшиймаш пурен, увертарен регионысо ЦИК председатель Ирина Татаринова. Тидын шотыштак ик партийым шижтарашышт логалын. Сайлымаш деч ончычсо агитаций республикыште 10 август гыч тӱҥалеш.
С.Носова.
