Гороскоп

23-29 ноябрьлан гороскоп

Шорык

Тыланда тиде арнян нимогай шолып пашашке ушныман огыл. Уке гын эн кугу йолам тыланда ыштен кертыт. Мӧҥгешла, утларак тӱткышым шкем вияҥдымылан, тунеммашлан ойырыман, у шинчымашым налаш тыршыман. Але марте умылыдымашым лукшо ситуацийым рашемдеда.

Презе

Тиде арнян пашалан утларак вийым да жапым ойыреда гын, кугу лектышыш шуын кертыда. Тыгодым пелашда дене икте-весе коклаште умылыдымаш лекме лӱдыкшӧ уло. Тидыже ончыкылык нерген кок тӱрлӧ шонымашан улмыдане кылдалтеш, очыни.

Йыгыр

Тыланда шӱдыр-влак тиде арня йӧратыме еҥда дене кылым саемдаш келшыше лийме нерген шижтарат. Арнян кокымшо пелыштыже у еҥ дене палыме лийыда, эсогыл мыняр-гынат чапланаш йӧн лектеш. Мо шотышто шинчымашда шагал, тугай пашалан ида пиж.

Рак

Тиде арнян кӧ дене логалын, тудын дене вашлияш да жапым эртараш кумылда лектеш. Но илыш – романтике сынан комедий огыл, сандене тыгай кыл удан мучашлалт кертеш. Мӧҥгыштӧ лекше неле йодыш-влакымат рашемдаш мондыман огыл.

Лев

Тендам кумылым нӧлтышӧ шуко мутланымаш вуча. Молгунамсе дене таҥастарымаште, тиде арнян тыланда комплиментым утларак ойлат, у еҥ дене палыме лийын кертыда. Арня мучаште шкем ончыкташ, усталыкда дене палдараш йӧн лектеш.

Ӱдыр

Тиде арнян иканаште икмыняр пашам ышташ огеш темлалт. Уке гын нунын коклаште «йомын» кертыда. Сандене лучо иктыжым сайын шукташ тыршыза. Арнян икымше пелыштыже шӱдыр-влак лишыл еҥ-влак дене кылым саемдаш кӱлмӧ нерген шижтарат.

Виса

Тыланда кызыт утларак шуко мутланаш, кылым ышташ логалеш. Иктаж-кушко миен толыда гын, тушто чылажат шонымыда семын лиеш. Тыгодымак веселан каналташ жапда йӧршын гаяк огеш код. Арня мучаште ещартыш оксам ыштен налаш йӧн лектын кертеш.

Скорпион

Тиде арнян ӱскырт койышым утыждене койман огыл. Поснак лишыл еҥда ден родыда-шамыч дене шкем тыматлын кучыман. Ты жапыште утларак канаш,

вийым погаш темлалтеш. Кызыт марте шуктымо йӱла деч кораҥаш, илышым вашталташ огеш темлалт.

Пикшызе

Тиде арнян чонланда келшыше у сомылым «муын луктыда». Тыгак ончыкылан планым ышташ кумылда лектеш. Йолташда-влак дене кыл саемеш. Кеч-могай уверым колмекат, вигак ида ӱшане, а эн ончычак чын улмыжым тергыза. Шинчымашдам келгемдаш тыршыза.

Ирказа

Арнян икымше пелыштыже йолташда-влак дене окса дене кылдалтше йодышым тарваташ огеш темлалт. Уке гын сырымашке шуын кертыда. Ала-могай йодыш тендам шукертсек тургыжландара. Тудым рашемдаш лач кызыт эн келшыше жап лиеш.

Вӱд йоктарыше

Шкендам утыждене чолган кучеда гын, шканда удам веле ыштеда. Иктаж-мом шуктен огыда керт манын паледа гын, лучо ида сӧрӧ. Шӱмбелдам йолташда-влак дене палымым ыштен кертыда. Нуно икте-весышт дене ик ойыш вашке шуыт, каҥашышаш йодышымат верештыт.

Кол

Ончыкыжым илышдам вашталтынеда гын, тидым ышташ ты арня эн келшыше лиеш. Илыш деч мом вучеда, могай кӱкшытыш шунеда, тудым могайым ужнеда паледа гын, ошкылым лӱдде ыштыза. Пашаште еҥымаш вуча. Вуйлатыше дене ик ойыш куштылгын шуыда.

Л.КАМАЛЕТДИНОВА

Опубликовать в Одноклассники

Добавить комментарий