Гороскоп

21-27 июньлан гороскоп

Шорык

Тиде арня ешан-влаклан поснак сай лиеш. Лишыл еҥ, родо-тукым дене кылда пеҥгыдемеш. Тендан деке уна-шамыч толыт, очыни. Наследстве дене кылдалтше йодышым рашемдаш келшыше жап. Корнышто транспорт шаланен кертеш, сандене тӱткӧ лийман.

Презе

У палыме да йолташ-влак дене кылым пеҥгыдемдаш кумылда лектеш. Южышт тыланда ончыкыжым поснак кӱлешан лийыт. Вате-марий кокласе кылат саемеш. Арнян кокымшо пелыштыже оксам аныклен кучылтса, сатум шоныде налме деч шекланыза.

Йыгыр

Окса дене кылдалтше йодышым рашемдаш келшыше арня. Пашаште сай велыш вашталтыш лиеш: тыланда пашадарым кугемдат, кугурак должностьым  але лектышан ешартыш сомылым ышташ темлат. Тидак ончыкыжым у вургемым, моло шонымо сатум налаш йӧным пуа.

Рак

Тиде арнян шкем «куштымо» нерген утларак тургыжланыман. Тидлан кеч-кушто да кеч-кунам йоҥылышым ыштыме деч утыждене ойгырымым чарныман.  Тыге гына те шкем эрыканла шижаш тӱҥалыда. Калык ончылно выступатлашда логалеш. Спорт дене кылым кучыман.

Лев

Арня тӱҥалтыш тӱрлӧ шижмашлан поян лиеш. Тендам кажне кечын шуктымо сомыл ден паша нойыктарымыла чучаш тӱҥалеш. Сандене шкетын лийме да каналтыме шуэш. Йӧн уло гын, пӱртӱсыш лектын, чодырашке але эҥер, ер деке миен толаш тыршыза.  

Ӱдыр

Тыланда воктеныда улшо еҥ-влак дене чӱчкыдынак вашлийын мутланаш логалеш. Тунеммаште сай лектышыш шуын кертыда. Интуицийдам колыштса. Поснак ончыкылыклан планым ыштыме годым тидын нерген мондыман огыл. Вуйлатышыда дене кыл локтылалтеш, очыни.

Виса

Пашаште у кӱкшытыш шуаш йӧн лектеш. У паша верым кычалыда гын, тиде арнян чонланда келшышым муын кертыда. Иктаж-кушко турист семын кайыме годым шкем тыматлын кучыман. Тыгак правам аралыше-влак дене кылым локтылаш тыршыман огыл.

Скорпион

Тыланда тиде арнян иктаж-кушко миен толаш, весе-влакын илышышт, йӱлашт, тӱрлӧ ойыртемышт дене палыме лияш темлалтеш. Философий дене кылдалтше йодыш-влакым рашемдаш лиеш. Спорт таҥасымашлашке ушныман огыл – сусырген кертме лӱдыкшӧ уло.

Пикшызе

Ты арнян вий-куатда кугу лиеш. Тидак тӱрлӧ сынан нелылыкым сеҥаш полша. Сандене нине кечылам диваныште телевизорым ончен киен гына эртарыман огыл, а утларак чолга лийман. Тыге те молгунамсе деч ятырлан шуко пашам ыштен шуктеда.

Ирказа

Пелашда дене кыл пеҥгыдемеш. Ынде те молгунамсыла чӱчкыдын ӱчашымыдам чарнеда да икте-весыдам сайынрак умылаш тӱҥалыда. Шӱмбелдан тендам утларак куандараш тыршымыжым шижыда. Коктын кеч-могай неле йоыдышымат каҥашен кертыда. Тазалыкдам эскерыза.

Вӱд йоктарыше

Тыландат тазалыклан кугу тӱткышым ойырыман. Тыге але марте тургыжландарыше черда-влакымат сеҥен кертыда. Тылеч вара кеч-могай сомылда куштылгынрак да писынрак ворана. Йӧратымаш кылыште умылыдымаш лектын кертеш.

Кол

Тиде арнян усталык шӱлышда ташлыше лиеш. Кумылда нӧлталтеш да илыш деч чыла сайжым налмыда шуаш тӱналеш. Йӧратыше-влаклан шӱмбелышт вучыдымо пӧлекым кучыктат, сюрпризым ыштат да ала-мом ойыртемалтшым темлат. Тетарыш, рестораныш миен толын кертыда.

   Л.КАМАЛЕТДИНОВА

 

Опубликовать в Одноклассники

Добавить комментарий