УВЕР ЙОГЫН

205 ийлан когыльымат кӱэштыныт!

У Торъял поселкым ыштымылан 19 июльышто 205 ий темын.

Коронавирус инфекций шарлен кертме лӱдыкшӧ улмылан кӧра кызыт тӱшка мероприятийым эртараш чарыме. Сандене тиде йыргешке датымат ты гана молгунамсе семын кумдан, шуко калыкым ушен палемден огытыл, а тидлан тӱрлӧ йӧным кучылтыныт. Мутлан, У Торъялысе централизватлыме клуб системе интернетысе соцкылыште «Новый Торъял — 205» онлайн-фест дене келшышын «Юбилейный каравай» флешмобым увертарен ыле. Тидлан тушко каравайым але когыльым кӱэшташ да ӱмбакше ты датым возаш кӱлын. Ушнышо-влак моткочак шукын лийыныт.

А ончыгече, пайрем кечын, кече мучко автоклуб тӱрлӧ верлашке миен, концертым ончыктен. Муро пӧлекышт дене У Торъялысе тӱвыра да каныме рӱдерын солистше-влак Елена Желонкина, Марина Ведерникова, Сергей Мухин, аккомпаниатор Иван Терёхин да «Горница» ансамбль куандареныт.

Л.КАМАЛЕТДИНОВА

Опубликовать в Одноклассники

Добавить комментарий