Шорык
Йӧратыме еҥда ондакысе шижмашдам пӧртылташ темла, очыни. Но те тидым огыда умыло да вашешыже шыргыжалыда веле. Тыгай койышда сырымашке шуктен кертеш. Тӱткышышт иземмылан кӧра шкет еҥ-шамыч пиалыштым ужде кодын кертыт.
Презе
Мӧҥгыштыда умылыдымаш лекме амал дене тыланда шуко жапым, нервым да вийым пытарашда логалеш. Те пелашда дене ик ойыш шуын огыда керт. Тидлан кӧра ик жаплан эсогыл ойырлаш кутырен келшеда. Но йоҥылыш лиймыдам коктынат умыледа. Каныш кечылам ушеш кодшын эртарыза.
Йыгыр
Тендам ласка арня вуча. Пашам нойыде ышташ тӱҥалыда. Мӧҥгыштыдат лишыл еҥда-шамыч дене кыл куандарыше лиеш. Йӧратыме еҥда дене пӱртӱсыш пырля лектын кертыда. Шкет еҥ-влакым романтике шӱлышан палыме лиймаш ден вашлиймаш вучат.
Рак
Тиде арнян те мӧҥгыштыда ремонтым ыштеда але сурт кокласе тӱрлӧ сомылым шукташ тӱналыда. Пашаштат эше мом ыштышаш нерген гына шонкаледа. Тиде амал дене йӧратыме еҥланда тӱткышым шагалрак ойыреда. Каныш кечылаште «экшыкдам» тӧрлаташ тыршыза.
Лев
Те ала-могай шергакан сатум налаш тарванеда. Но умыледа: оксада огеш сите. Тиде амал дене лишыл еҥда-влаклан оксам аныклен кучылташ кӱлмӧ нерген ойледа. Нуно тидым умылен вашлийыт. Но окса ситыдымылан кӧра каныш кечылам шонымо семын огыл эртарымылан иктат огеш куане.
Ӱдыр
Тиде арнян йӧратымаш шотышто арня кумылым волтышо лиеш. Те шӱмбелда деке уло чонда дене лишеммым ончыктеда, а тудлан садикте лиеш. Шкет улыда да у еҥ дене палыме лияш тыршеда гынат, тендам тудат тыгак «шӱкалеш» веле.
Виса
Тиде арнян каналтен кертыда. Нелылык нерген огыда тургыжлане гын, тудо шке семынжак рашемдалтеш. Азапланымым чарнымыда дене пашамат шукырак ыштен кертыда. Тыгай койышда пелашдамат куандара, коллегыда-влак денат кыл саемеш.
Скорпион
Ала-молан кумылда волен. Тиде арнян тудым кузе-гынат нӧлталман. Мутлан, пашам кыртмен ышташ тӱҥал кертыда. Шкет улыда гын, у еҥ-влак дене
палыме лиймаш полша, очыни. Каныш кечылаште тӱжвал сындам утларак моторракым ыштыза да иктаж-кушко миен толза.
Пикшызе
Тыланда тиде арнян лишыл еҥда-влак кокла гыч ала-кудыжын тазалыкше верч чотак тургыжланаш логалеш. Тидлан кӧра чыла моло кокымшо радамыш кусна. Пиалеш, каныш кечыла вашеш тазалыкше пеҥгыдемаш тӱҥалеш да те ласканрак шӱлалтеда.
Ирказа
Тиде арнян ӱдыр, ӱдырамаш-влак рвезе, пӧръеҥ-шамычлан, а рвезе ден пӧръеҥ-шамыч ӱдыр ден ӱдырамаш-влаклан утларак келшаш тыршаш тӱҥалыт. Вара, иктым ойырен налын, тудлан ала-могай неле сомылым «сакалтен пуаш» тӧчат. Но тиде нимо сайышкат огеш шукто.
Вӱд йоктарыше
Тендам у пошкудыда-влак кокла гыч ала-кудыжо чотак сырыктараш тӱҥалеш. Тудын дене чон почын мутланен ончаш тыршыза. Моло шотышто арня сай лийшаш. Шукерте тӱҥалме сомылдам мучашледа да, куанен, тидым палемдаш кумылда лектеш.
Кол
Утыждене тыршыде, оксам кузе утларак ыштен налаш лиймым умыледа. Тыгодым чылажымат шонен-висен шукташ темлалтеш. У еҥ дене палыме лияш кумылаҥыда гын, тиддеч ончыч тудын нерген шукырак уверым пален налаш тыршыза.
Л.КАМАЛЕТДИНОВА