Шорык
Тендан у шинчымашым налаш кумылда лектеш. Но чыла уверланак вигак ӱшаныман огыл. Лучо тӱҥалтыште тергыза. Тыгак ты шотышто йолташда-шамычат полшен кертыт. Шкет еҥ-влак ончыкылык шӱмбелыштым вашлийыт, очыни.
Презе
Тӱрлӧ авантюрыш ушнаш тыршыман огыл. Поснак йолташ-шамыч дене пырля кокыте шонымашым лукшо сомыллашке ушнаш огеш темлалт. Прибор-шамыч дене пашам ыштыме годым эскералтыман. Унала миен толза але иктаж-кӧм шке ӱжса.
Йыгыр
Арнян икымше пелыштыже ончыкылан шонымашда вашталт кертеш. Тидыже пелашда ден когыньдан коклаште умылыдымашым луктеш. Сандене кеч-момат тӱҥалтыште тудын дене пырля каҥашаш тыршыза. Тидыже шонымашкыда писынрак шуаш полша.
Рак
Нимо шотыштат экспериментым эртарыман огыл. Тазалыклан кугурак тӱткышым ойырыман. Тыгодым шке семын эмлалтман огыл. Уке гын тиде уда марте шуктен кертеш. Таза илыш дене илаш тӱҥалыда гынат, шканда кугу пайдам гына ыштеда.
Лев
Тиде арнян шӱдыр-влак утларак тӱткышым йӧратыме еҥда дене икте-весе кокласе кыллан ойыраш кӱлмӧ нерген шижтарат. Тыгай еҥже эше уке гын, вашке вашлийыда. Арнян кокымшо пелыштыже усталык пашаште шкем сайын ончыктен кертыда.
Ӱдыр
Арня тӱҥалтыште мӧҥгӧ дене кылдалтше кеч-могай йодышым рашемден кертыда. Эрыктыме пашам ышташ, чылажымат шотыш кондаш, ремонтым тӱҥалаш келшен толеш. Тыгодым кеч-момат шӱмбелда дене каҥашыза. Уке гын тудын дене сырымашке шуын кертыда.
Виса
Арнян икымше пелыштыже тыланда еҥ-шамыч келшаш тӧчаш тӱҥалыт да шуко ныжыл мутым ойлат. Тидыже шуко у йолташым муаш полшен кертеш. Манеш-манешым шаркалымашке ушныман огыл. Уке гын лишыл еҥда-влак дене умылыдымаш лектеш.
Скорпион
Тиде арнян мо шонымыдам налаш йӧн лиеш. Но тыгодым оксам те аныклен кучылташ тыршаш тӱҥалыда. Каныш кечыла вашеш тӱжвал сында, лӱмнерда, чапда дене кылдалтше йодыш-влакым рашемдаш логалеш. Тидлан шӱдыр-влак оксам чаманаш огыт темле.
Пикшызе
Тендан у увер-влакым пален налмыда шуаш тӱҥалеш. Те кеч-кӧ денат кылым ышташ, мутланаш ямде лийыда. Тидын годым ӱскырт койышым утыждене ончыкташ ида тырше. Лишыл еҥда, родо-тукымда дене ӱчашымашке шумо деч шекланыза.
Ирказа
Тыланда шуко мутланаш огеш темлалт. Уке гын чын огыл уверым пален налын але шкендан нерген утыждене шуко каласкален кертыда. Лучо оксам кузе эшеат шукырак ыштен налшаш нерген шоналтыза. Тендан деч шылтыме ала-могай уверым пален налыда, очыни.
Вӱд йоктарыше
Тиде арнян тыланда чыла гаяк оҥайын чучаш тӱҥалеш. Тидак у еҥ-шамыч дене палыме лияш тарата. Окса дене кылдалтше йодышым рашемдаш тыршаш огеш темлалт. Йӧратыме еҥда ден когыляндат келшыше иктаж сомылым але пашам кычал муаш тыршыза.
Кол
Те ала-мом пеш писын ыштынеда, но шонымыда семын огеш лек. Сандене шӱдыр-влак вашкаш огыт темле. Мӧҥгешла, чытымаш кугурак лектышыш шуаш полша. Тазалыклан тӱткышым ойыраш мондыман огыл. Диетыш шинчаш келшен толеш.
Л.КАМАЛЕТДИНОВА