Гороскоп

12 – 18 октябрьлан гороскоп

Шорык

Тиде арнян шӱдыр-влак тазалыклан кугурак тӱткышым ойыраш темлат. Кеч-могай йӧн дене тудым пеҥгыдемдаш тыршеда гынат, пайдаже вигак палдырна. Мӧҥгӧ дене кылдалтше йодышым рашемдаш логалеш. Пелашда дене ончыкылыкым каҥашаш сай жап.

Презе

Арнян икымше пелыштыже у еҥ дене палыме лийыда. Ончыкыжым тудын дене ушненат кертыда. Икшыве-шамыч дене кылым утларак пеҥгыдемдаш келшыше жап. Нунылан тендан полышда кӱлеш лийын кертеш. Арнян кокымшо пелыштыже тазалыкым пеҥгемдышаш нерген азапланыман.

Йыгыр

Мӧҥгӧ, кусараш лийдыме пого, чоҥымаш дене кылдалтше йодыш-влакым рашемдаш кызыт ик эн келшыше жап. Иктаж-мом налме-ужалыме сомылат сайын ворана. У еҥ-шамыч дене палыме лияш огеш темлалт – тиде ончыкыжым нелылыкым луктын кертеш.

Рак

Арня тӱҥалтыште вий-куатда ешаралтеш, чолгалыкдат кугу лиеш. Тидыже еҥ-влак дене кылым ышташ, шукырак мутланаш кумылым луктеш. Арнян кокымшо пелыштыже шке илыме верыште лӱдыкшыдымылык шотышто утларак тургыжланыман.

Лев

Тиде арнян окса дене кылдалтше йодышым молгунамсе деч куштылгын рашемдеда. Тыгодым интуицийым колышташ, кажне ошкылым шонен ышташ темлалтеш. Манеш-манеш нелылыкым луктын кертеш, сандене шкеже тушко ушнаш ида тырше.

Ӱдыр

Тиде жапыште могай шонымашым ойледа, мом темледа – чыла гаяк моткочак кӱлешан да пайдале лийыт. Арня мучаште мом кочмылан кугурак тӱткышым ойыраш кумылда лектеш. Тыгак тиде арнян каҥгешташ тӱҥалыда гын, лектышыже вашкерак палдырна.

Виса

Усталыкдам вияҥдаш йӧн лиеш. Пашада тудын дене кылдалтын гын, тендам кугу сеҥымаш вуча. Чот кӱлешан йодышым рашемдыме годым ондакысе опытлан эҥертыман, тыгак чондамат колыштман. Тиде жапыште мӧҥгӧ да еш дене кылдалтше йодыш-влакым «тӱкалыман» огыл.

Скорпион

Арнян икымше пелыже тунеммашлан келшыше лиеш. Тыгак тиде жапыште тендан семынак шонышо еҥ-шамыч дене палыме лийын кертыда.

Ончыкыжым тиде пеҥгыде кылыш савырна, очыни. Арня мучаште сурт-оралте кокладам эшеат сӧралракым ышташ кумылда лектеш.

Пикшызе

Тыланда чот кӱлешан ошкылым ышташ логалеш. Ончыкыжым тудо илышдамат вашталтен кертеш. Арня мучаште тендан семынак шонышо еҥ, йолташ да пашам пырля ыштыше-влак дене шуко мутланаш логалеш. Тыгодым тӱткӧ лийман: южышт тендам «кучылташ» веле тыршен кертыт.

Ирказа

Арня тӱҥалтыште улшо тӱрлӧ неле йодышым рашемдашда логалеш. Но нуным утыждене чот туран каҥашаш тӱҥалыда гын, сӱрет пӱсемеш веле. Поснак вуйлатыше да кугурак должностян еҥ-влак дене шкем утларак тыматлын кучаш темлалтеш.

Вӱд йоктарыше

Тиде арня чыла сомылымат радамлын да шонен ышташ келшыше лиеш. Лектыш палдырныже манын, иканаште икмыняр пашам шукташ тыршыман огыл. Вес еҥ-шамыч тыланда шке шонымашыштым тушкаш тӱҥал кертыт, сандене тӱткӧ лияш темлалтеш.

Кол

Йӧратыме еҥда дене ик ий веле огыл пырля улыда гын, икте-весе кокласе кылышкыда иктаж-мом уым пурташ темлалтеш. Шкет Кол-влакын у еҥ дене палыме лияш йӧн лектеш. Шӱдыр-влак шижтарат: ончыкыжым тиде кыл йӧратымаш шижмашышкат куснен кертеш.

Л.КАМАЛЕТДИНОВА

Опубликовать в Одноклассники

Добавить комментарий