КРИМИНАЛ

Шыдыжым тыге туарен?

Россий Федерацийын Следствий комитетшын Марий Элысе следствий управленийжын пресс-службыжын палдарымыж почеш, 31 мартыште Волжскышто 48 ияш пӧръеҥ ончычсо пелашыжын родыжо-влакым, уло ешым – 31 ияш ӱдырамашым да тудын 14 ияш эргыж ден 11 ияш ӱдыржым – кӱзӧ дене шурен пуштын.

Следствий ден полиций пашаеҥ-влак тиде пӧръеҥым кӱчык жапыште кученыт.

Колышо-влакын капыштым 31 ияш ӱдырамашын пачерыштыже муыныт. Правам аралыше органлаште тыршыше-влакын шонымышт почеш, шучко преступленийым пӧръеҥ 31 мартыште 8 шагатат пеле гыч 9 шагат эр марте гутлаште ыштен.

Палдарыме почеш, изоляторышто тудо шкенжым пытараш тӧчен – шариковый ручка дене шӱйжым да оҥжым шуркален, но врач-шамыч утарен коденыт. Ыштыме операций деч вара пӧръеҥын тазалыкше мыняр-гынат сайрак лийын.

Тиде факт шотышто уголовный делам тарватеныт. Следствий кызытат шуйна.

Л.КАМАЛЕТДИНОВА

Опубликовать в Одноклассники

Добавить комментарий