Кугыжаныш закупко сайтыште лекше увер почеш, кызыт Шернур районысо Аҥанур ялыште фельдшер-акушер пунктым чоҥымо йодыш лончылалтеш: лӱмын чумырымо комиссий подрядчик-влакын конкурсыш колтымо документан йодмашыштым онча да сеҥышым ойыра.
ФАП-ым чоҥымо тӱҥалтыш ак – 5255799 теҥге. Тиде окса дене кабинет-влакым, тамбурым, вучымо залым, персоналлан да эрыктыме ӱзгарлан помещений-шамычым, санузелым, фельдшер-акушерын кабинетшым, процедурный кабинетым, эмым аралыме складым да теплогенераторныйым чоҥаш палемдыме.
Проект почеш эше инженер коммуникацийым – водопровод да канализаций сетьым, электровий кабельым, газым ситарыме кӧргӧ сетьым – шупшман.
М.ИВАНОВА
