УВЕР ЙОГЫН

Суд зал гыч: Маркеловым июль кыдал марте СИЗО-што кодат

Марий Элын ончычсо вуйлатышыже Леонид Маркелов СИЗО-што 13 июль марте шинчаш тӱҥалеш. 

Тудым да соучастницыже Наталия Кожановам петырымаште кодаш лукмо пунчалым Мосгорсуд 23 майыште закон дене келшышылан шотлен, палдарен ТАСС-лан судын пресс-службыжо.

Судын представительже тыге палемден:

— Маркелов ден Кожанован арест срокыштым 2018 ий 13 июль марте шуйымо нерген пунчалым вашталтыш деч посна кодымо.

Ушештарена, Леонид Маркеловым идалык утла ончыч – ӱмаште апрельыште – арестоватленыт. Тудын шотышто кум уголовный делам тарватеныт. Взяткым налме деч посна республикын ончычсо вуйлатышыже эше боеприпасым закондымын аралымылан да должностной полномочий дене утыжден пайдаланымылан титаклалтеш. Туге гынат Л.Маркелов шкенжым  титаканлан огеш шотло.

Л.Камалетдинова.

Опубликовать в Одноклассники

Добавить комментарий