Таче, 20 июльышто, Россий Президент Владимир Путин Йошкар-Олашке толеш.
Тудо калык-влак кокласе кыл шотышто советын заседанийжым эртара. Мутланымаш Россий Федерацийын кугыжаныш национальный политикыжын стратегийжым 2025 ий марте регион да муниципал кӱкшытыштӧ шуктымылан пӧлеклалтеш.
Владимир Путин тыгак Т.Е.Евсеев лӱмеш национальный тоштерым ончен савырна, Марий Эл вуйлатышын пашажым шуктышо Александр Евстифеев дене вашлиймашым эртара.
Президент пеленсе Калык-влак кокласе кыл шотышто совет 2012 ийыште ышталтын. Тушко общероссийский национально-культурный ушем-влакын лидерышт, науко да эксперт сообществын представительышт, законодательный да исполнительный кучем федеральный орган-влакын вуйлатышышт пурталтыныт.
Л.Камалетдинова.
