УВЕР ЙОГЫН

Почеш кодшылан писынрак тарванылман

6 майыште Росавтодорышто эртыше совещанийыште федеральный да региональный проектный команде-влакын еҥышт субъектлаште «Лӱдыкшыдымӧ да качестван автомобиль корно» национальный проектын илышыш кузе шыҥдаралтмыж нерген мутланеныт. Мероприятийым Федеральный корно агентстве вуйлатышын алмаштышыже Игорь Костюченко видеоконференцкыл йӧн дене эртарен.

Мутланымаште палемденыт: ятыр регионышто шуко объект шотышто подрядный организаций-влакат пале улыт, да нуно корным ачалашат тӱҥалыныт. А южо вере гын паша моткочак эркын кая. Почеш кодшо субъектлаште тыгай сӱретым пытараш манын, И.Костюченко пашам саемдаш ӱжын да улшо неле йодыш-влакым пырля рашемдаш темлен.

6 майлан налмаште, 93 процент корно объект торг план-графикыш пурталтын. 

Совещанийыште Росавтодорын подведомственный учрежденийже-влаклан кажне регионышто ты нацпроект кузе шукталтмым аклаш, мом ыштен шуктыдымым рашемдаш да ситыдымашым кораҥдышашлан оперативный мерым приниматлаш кӱштеныт.

Л.Камалетдинова.

Опубликовать в Одноклассники

Добавить комментарий